«Давлат белгиси» мамлекеттик унитардык ишканасынын, «Узбекипаксаноат» бирикмесинин жана Ташкент текстиль жана жеңил ѳнѳр жай институтунун адистери менен биргеликте инновациялык ыкма менен иштелип чыккан накта жибек буласын кошуу менен корголгон кагазды даярдоо боюнча ойлоп табууга Өзбекстан Юстиция министрлиги тарабынан патент берилген.
Борбордук банктын маалыматы боюнча, банкноттор, баалуу кагаздар жана башка документтер үчүн ѳтѳ жогорку коргоочу сапаттары бар накта жибек буласын кошуу менен кагазды даярдоо технологиясы дүйнѳдѳ биринчи жолу Өзбекстанда иштелип чыккан.
Мындай ойлоп табуу баалуу кагаздарды башка кагаздардан айрымалоого мүмкүнчүлүк берет, анткени анын коргоочу элементтеринин курамына накта жибек буласы кошулган.
Кагаз массасын даярдоодо накта жибек буласы кошулат, андан кийин ал флуоресценттик аралашмага сиңдирилет. Ультрафиолет нурлары менен жарык берилгенде жибектин протеини ѳтѳ бозомук түргѳ ѳтѳт, ошентип кагазды жасалмадан айрымалайт. Кагаздын курамына бирдей калыңдыкта накта жибек буласын кошуунун натыйжасында анын бышыктыгы бир нечеге ѳсѳт.
Мындай ойлоп табуу, атап айтканда жибек буласын кошуу менен кагазды даярдоо технологиясы банкнотторду, корголгон документтерди жана кагаздарды даярдоодо дүйнѳлүк лидер болуп саналышкан эл аралык компаниялардын адистеринде чоң кызыгууну жаратты.
